Të dhënat për klimën e 50 vjetëve më parë, tregojnë gjëndjen e mëposhtme të reshjeve për qarkun e Korçës.
Qarku i Korçës është më i thati në gjithë Shqipërinë. Sasia mesatare vjetore e reshjeve për zonën e Korçës është 722 mm, të Pogradecit është 765 mm dhe të Ersekës është 900 mm, ndërkohë kur, zona e Kuçit ka 2760 mm dhe ajo e Thethit 2747 mm reshje në vit. Pra, në këto vënde bien rreth katër apo tre, herë reshje më tepër sesa në anët tona.

Muaji më i lagët, pra më me reshje për anët tona është nëntori, muaj ky, gjatë të cilit në Korçë bien 112 mm reshje, në Pogradec bien 114 mm reshje dhe në Ersekë 136 mm. Pra në nëntor bien rreth 1/7 e reshjeve mesatare të vitit.
Ndërkaq, muaji më i thatë si për Korçën, ashtu dhe për Pogradecin dhe Ersekën, është korriku, me një mesatare respektive shumëvjeçare 21 mm. Pra në këtë muaj, në anët tona bie rreth 1/40 e reshjeve të vitit.
Të dhënat statistikore 35 vjeçare (1931 – 1960), për mesataren mujore dhe vjetore të reshjeve në mm, për Korçën, Pogradecin dhe Ersekën, janë si më poshtë:

Muajt	Korça	Pogradeci	Erseka
Janar	70	70	88
Shkurt	68	85	98
Mars	53	67	65
Prill	54	60	74
Maj	58	58	62
Qershor	42	35	49
Korrik	21	21	21
Gusht	25	26	29
Shtator	44	51	58
Tetor	85	88	101
Nëntor	112	114	136
Dhjetor	89	90	119
Mesatarja	722	765	900